En xaneiro de 2016, a Fundación Mundubat e a Xuventude Agraria do COAG iniciaron un estudo en profundidade sobre a incorporación da xente nova ao campo.

Os resultados desta investigación están orientados a definir propostas e recomendacións sobre políticas públicas adaptadas á realidade da profesión. As principais conclusións do estudo presentaranse en xullo de 2016, co obxectivo de implementar novas accións para mellorar a renovación xeracional en todos os sectores e territorios.

A investigación desenvolve unha parte cuantitativa, baseada en datos do censo agrario de 1999-2009 e axudas dos Programas de Desenvolvemento Rural 2000-06 e 2007-14; así como unha máis cualitativa, na que se recollen datos a partir de entrevistas en profundidade, grupos de traballo e un cuestionario dirixido a mozos que se incorporaron desde o ano 2000.

O cuestionario adxunto ( http://goo.gl/forms/nGNASUg4TP ) está a ser distribuído en liña para chegar a un gran número de agricultores e gandeiros, co obxectivo de definir diferentes perfís de xente nova. Completar o cuestionario leva uns 15 minutos.

O equipo de investigación está dispoñible para calquera dúbida ou suxestión que considere oportuna no seguinte enderezo de correo electrónico: relevo.campo@gmail.com