Cambio climático e xestión dos recursos naturais

O cambio climático, a crise enerxética e o uso insostible dos recursos naturais son tres dos factores que máis inflúen na maior vulnerabilidade dos sistemas agrícolas e forestais; ao presente e ao futuro.

Neste contexto, a Rede PAC promove actuacións que contribúan a reducir as emisións de gases de efecto invernadoiro (GEI) e amoníaco, así como o uso excesivo —ineficiente e contaminante— de praguicidas e fertilizantes. Tamén traballa para mellorar a xestión no uso e conservación dos recursos produtivos naturais —auga, solo, vexetación— promover a autosuficiencia enerxética a través das renovables, e potenciar e diversificar a produción. Sen esquecernos da difusión das medidas de adaptación ou mitigación ante o cambio climático, que xa está aquí: desde o uso ou recuperación de variedades e razas mellor adaptadas ata o incremento da capacidade de sumidoiro de carbono dos solos agrícolas e forestais.